Орчин үеийн залуучууд охид бүсгүйчүүдээс дутахааргүй гадаад үзэмжиндээ анхаарч өөрийгөө бөөцийлдөг болжээ. Гоо сайхан, хувцаслалт, бие авч явах соёл дээрээ илүү анхаарч түүгээрээ ч тэд нийгэмд эзлэх байр сууриа илэрхийлцгээж байна. Тэгвэл энэ дугаартаа энэ цаг үед Монголынхоо залуучуудыг төлөөлж салбар салбарт тэргүүлдэг  ирээдүнй жентелмэн залуучуудыг танилцуулахаар бэлдлээ. Гэтэл эдгээр залуучууд бие галбир болон гадаад үзэмжээ анхаарч дээрээс нь хувийн амьдрал, хувьсгалын ажилаа гялалзтал нь авч явж байна.

Н.Оргил: Цагтаа загварын тайзнаа алхаж, олон ч бүсгүйчүүдийн мөрөөдлийн залуу болж явсан загвар өмсөгч, жүжигчин Н.Оргил өвөрмөц эрлийздүү төрхөөрөө олны анхаарлын төвд байхаас гадна залуухан жентельмэнүүдтэй энэ зэрэгцэн стиль имиж дээрээ ихээр анхаардаг нэгэн. Сайхан биетэй болохоор ямар ч костюм сайхан зохихн хажуугаар тас хар бүрх нь язгууртан маягтай харагдуулна. 

Ж.Дамдинцэрэн: Цагтаа загварын сайхан залуу хэмээн дуудагдаж байсан Ж.Дамдинцэрэн загварын тайзнаас буугаад багагүй хугацаа өнгөрч байна. Урлаг соёлын үйл ажиллагааг алгасана гэж байхгүй Ж.Дамдинцэрэнг эрвээхий зангиа, өнгө өнгийн костюмгүйгээр төсөөлөхөд бэрх.

Г.Тэнүүн: Хийж байгаа уран бүтээрээ залуу дуучдаас ялгардаг дуучин Г.Тэнүүн үе тэнгийнхээ дэгжин залуусын эгнээнд аль хэдийнэ багтжээ. Тэр бүр костюм өмсөөд байдаггүй ч өмсвөл хямдхан костюм өмсөх дургүй гэнэ лээ.

Топ модель Э.Сэлэнгээгийн нөхөр энэ залуу ёстой л брэндийн костюмуудыг утгаар нь өмсдөг нэгэн. Хальт харахад Солонгосын царайлаг, жүжигчин залуустай эндүүрмээр харагдаж байгаа биз.

Г.Дэлгэрцогт: “Doir “-ийн өв залгамжлагч дэлхийн шилдэг брэндүүдийг сорлож өмсөхгүй бол өөр хэн өмсөх билээ? Орчин үеийн жентельмэн, метросесуаль эрчүүдийн тэргүүн эгнээнд гялалзах Г.Дэлгэрцогтын костюмнууд 20 мянган доллараас дээш үнэлгээтэй. Харамсалтай нь боди хийж, булчин шөрмөс нэмэх хэрээр өнөөх үнэтэй, тансаг костюмнууд үзвэрийн танхим руу шилжих гээд төвөгтэй байгаа гэдэг шүү.

Г.Анхбаяр: Улс төр, урлаг соёл, кино, шоу биз гээд Анхаагийн хийж үзээгүй ажил, уулзаж үзээгүй хүн тун цөөхөн байх. Үүнийнхээ ачаар брэндийн костюмны рекламанд тоглож нэлээд хэдэн костюмны цугуулгатай болоод авсан Анхаагийн гутал, цаг, костюм тэргүүтэн нь эгээ брэндийн набор шиг л харагдах юм.

А.Алтаншагай: Сүүлийн үеийн хурим найр, үйл ажиллагаа бүхнийг гардан зохион байгуулж, эрэлт ихтэй хөтлөгч, жүжигчнээр тодроод буй залуу жүжигчин А.Алтаншагай хамгийн сүүлд “Миний ах атаман” киноны гол дүрийг чадварлаг бүтээсэн. Тэрээр хаана ч явсан ямаан сахал, үнэтэй костюмаар стиль имижээ бүрдүүлдэг.

Жүжигчин О.Мөнхдалай: Дэлгэцийн урлагт хамгийн их үгүйлэгдэж байгаа нэг зүйл бол шинэ нүүр царай буюу сайхан залуучууд бас хүүхнүүд хамгийн их дутагдаж буй. Нөгөө л хэдэн жүжигчид нь тоглоод, тоглоод байж сүүлдээ улиг болоод сонирхол ч татахаа байсан энэ үед тэр яг цагаа олж дэлгэцийн урлагт гарч ирсэн алга ташин баяр хүргэмээр. Дээрээс нь түүнд ямар ч хувцас өмссөн жигтэйхэн гоё зохидог учир нь тэрээр өмнө нь загвар өмсдөг байсан гэнэ лээ.

Б.Чингүүн: Богино хэмжээний киногоороо алдартай найруулагч Б.Чингүүн бас л содон стиль имижтэй нэгэн. Сонирхол, хобби нь хүртэл олноос онцгой содон гэсэн.

Э.Ууганбаяр: Дэлгэцийн урлагийн хамгийн халуун, хамгийн мэдрэмжтэй жүжигчин Ууганаа биеэ авч явах соёл, хувцаслах урлаг тал дээр залуучуудад сайн үлгэр жишээ болсоор ирсэн.

Б.Тамир: Хувийн амьдралаа төвхнүүлж чадахгүй байгаа ч хувьсгалын ажлаа маналзтал хийж яваа жүжигчин Б.Тамир нэг биш нэлээд хэдэн костюмны цуглуулгатай гэсэн шүү. Үс засалтаа улирал улирлаар өөрчилж, нүдний шилээр имиж хийж, брэндийн костюмнуудаа ямар үйл ажиллагаанд явах гэж байгаагаас шалтгаалан сонгодог Б.Тамир ирээдүйн жентельмэн эрчүүдийн тоонд зүй ёсоор орно. 

М.Сонор