Эх дэлхийн гоо бүсгүйг шалгаруулах “Дэлхийн мисс-2014” тэмцээнд эх орноо төлөөлөн оролцохоор шалгарсан Т.Батцэцэгийн зураг болоод мэдээллийг www.ranker.com сайт дээр байршуулсан байгаа. Тэгвэл энэ сайт руу орж түүнийг дэмжсэн хүмүүсийн тоогоороо тэргүүлж байгаа аж.
Тодруулбал яг одоогийн байдлаар тус сайт руу орж Т.Батцэцэгийг дэмжсэн хүмүүсийн тоо 11467 болжээ. Харин түүний араас хоёрдугаарт жагсаж байгаа Унгарын миссийн дэмжигчдийн тоо 5964 байгаа юм байна.
Т.Батцэцэгийн хувьд Азийн топ модель, Манжуурын мисс, Монголын мисс-2010 тэмцээний дэд байранд шалгарч байсан нэгэн юм. Тэрбээр “Дэлхийн мисс-2014” тэмцээнд оролцохоор эх орныхоо үзэсгэлэнт бүсгүйчүүдтэй багагүй өрсөлдсөний эцэст шалгарсан билээ. Энэ жилийн “Дэлхийн мисс” -ийн тэмцээн Лондон хотноо ирэх сард зохион байгуулагдах бөгөөд дэлхийн 131 орны гоо бүсгүй оролцох юм байна.
М.Сонор
Сэтгэгдэл (1)