Хаана л хөгжмийн наадам болно, хамаг шагналыг нь хамдаг Б.Мөнхжаргал хэдийнэ орон зайгаа дархалжээ. Б.Мөнхжаргал туйлын дурламтгай, дурлалдаа үнэнч нэгэн. “Би аль хэдийнэ хөгжимтэй гэрлэчихсэн” гэж single атлаа огтхон ч ганцаардсан шинжгүй нүүрэндээ дурлалын оч гялбуулж явдаг түүний энэ хайр сэтгэл шилдгийн шилдэг бүтээлүүдийг туурвих урам зориг өгдөг байх нь ээ.
Багшийн коллеж, СУИС, ОХУ-ын Санкт-Петербург хот гэхчлэн тэр тасралтгүй суралцсан. Зөвхөн хөгжимд өгсөн тэр хайр сэтгэлийнхээ хүчийг гаргахын төлөө тэр суралцжээ.
Хайраас ямар их хүч гардаг гээч, тэр мэдрэмж, тэр оршихуй, тэр ертөнцөөс ирэх гялбаа хүн төрөлхтний амьдралын гайхалтай түүхүүдийг бүтээсээр байдаг. Б.Мөнхжаргалын дурласан сэтгэлийн өчил бидэнд бүтээлээр нь дамжин хүрсээр байна. Дурласан бүсгүй минь, бүр хүчтэй дурлан тууриваад байгаарай.
Б.Сэргэлэн
Сэтгэгдэл (2)