Итали бол дэлхийн загварын чиг хандлагыг тодорхойлогч орон. Тэгвэл тус улсад болсон загварын шоунд манай улсаас загвар зохион бүтээгч И.Урангоо амжилттай оролцоод иржээ. Тэрбээр “Гоёл” наадмаас 2 ч удаа шилдэг дизайнерын шагнал авч байсан, таван жил энэ салбарт ажиллаж байгаа авьяастай, туршлагатай нэгэн.
Түүнчлэн Итали, Орос, Казакстан зэрэг долоон орны 30 гаруй загвар зохион бүтээгчид өрсөлдсөн тэмцээнд И.Урангоо түрүүлж, улсынхаа нэрийг гаргалаа.
Тэрбээр тэмцээнд оролцсоныхоо дараа “Биднийг тэмцээнд оролцохоор очиход хүмүүс Монголыг их хоцрогдсон гэдгээр нь хүлээн авсан. Тэмцээний дараа Итали мэргэжилтнүүд Монголд загвар өдий зэрэгтэй хөгжсөн гэж ер бодож байсангүй. Харин ч Монголоос мода эхэлж байна уу гэж харлаа” хэмээн ярьсныг онцолсон юм.
П.Урнаа
Сэтгэгдэл (5)