Жүжигчин О.Бат-Өлзий, Сарантуяа нарын хүү Б.Тамир саяхан шинэ киноныхоо нээлтийг хийсэн билээ. Энэ үеэр түүний хөөрхөн охин Т.Цэгц-Үжин өвөө эмээтэйгээ хөтлөлцөн ирж харагдлаа.
Дөрвөн жил үерхэж байж охинтой болсон Г.Золзаяа, Б.Тамир нарын хайр нэг л өдөр дуусгавар болж салаа замаар амьдралаа хөөн одоцгоосон. Урлагийнхан л болсон хойно явдал суудал нь тасардаггүй зовлон бий.
Гагцхүү тэр олон явдал суудал дунд үр хүүхэд нь өнчрөн үлддэг нь гашуун үнэн. Юугаа ч мэдэхгүй нялх амьтад, бүлтийгээд л хоцордог. Энэ дэлхийд эцэг эхдээ юугаар ч үнэлж баршгүй үнэт эрдэнэ хүүхэд нь баймаар.
Гэнэн цайлган насандаа энийг ойлгоогүй ч насжих тусам ухаажина гэгчээр Б.Тамир охиндоо бол амь тавьдаг юм билээ. Эмээ өвөөгийн амин үр болсон охин аавынхаа шинэ кинонд тухалж харагдсан. Киногоо дуусгав уу үгүй юу охиндоо цаг гаргана аа хэмээн постлож хамт байгаа зургаа тавих Б.Тамир одоо л амьдралын нандин зүйл юу болохыг ойлгож буй бололтой.
Урлагийн сайхан хосуудын тоонд дээгүүрт бичигддэг жүжигчин Б.Тамир, Г.Золзаяа нарыг хөөрхөн охиныхоо амьдралыг бүтэн болгох нь уу гэж фэнүүд нь сэтгэл дотроо ихэд хүлээж байгаа шинжтэй. Б.Тамирын охиндоо цаг гаргаж буйгаа илэрхийлсэн пост лайкаар ёстой "булуулна" шүү дээ.
П.Урнаа
Сэтгэгдэл (8)