Дуучин Г. Эрдэнэтунгалаг өнгөрсөн жил өөрийн амьдралыг харуулсан кино концерт хийлгэж, шаггүй жүжигчин гэдгээ харуулсан билээ. Тэгвэл энэхүү авьяасаа улам дэлгэрүүлэн кинонд тоглож байгаа аж. “Тэгт тойрог” студийн уран бүтээлчид “Боржигон” хэмээх нэртэй олон ангит инээдмийн кино хийж байгаа бөгөөд дуучин бүсгүй дүр бүтээж байгаа гэнэ. Нэг өдөр, нэг амаржих газарт төрсөн дөрвөн хүүхдийн хөгжилтэй адал явдлыг харуулсан 50 ангит кинонд Г. Эрдэнэтунгалаг хээнцэр ганган, байнга л брэнд ярьдаг, айлын том охин Хонгороогийн дүрд тоглож байна.
Тэрбээр “Өмнө нь кинонд тоглох саналууд ирж байсан ч мэргэжлийн жүжигчин биш учраас татгалздаг байсан. Гэхдээ энэ удаа инээдмийн, олон ангит кино гэсэн учраас зохиолыг нь уншиж үзээд, хамт тоглох уран бүтээлчидтэйгээ танилцсаны үндсэн дээр шийдвэрээ гаргалаа. Гэхдээ жүжиглэх гэдэг бол дуулахаас тэс өөр зүйл болохыг мэдэрсэн” гэж ярьсан байна. Эркагийн хэр жүжигчин болохыг харах л үлдлээ.
Сэтгэгдэл (2)