Монголын тайз, дэлгэцийн салбарын уран бүтээлчид болох найруулагч, зураглаач, зураач, жүжигчин, менежер, хөгжмийн зохиолчид нэгдэн “Чүрэ” уран бүтээлийн нэгдлийг байгуулсан байна. Тэд шинэхэн нэгдлээ 27 настай ятгач Чүрэ баатрын нэрээр нэрлэн, шүтээнээ болгон бэлгэджээ. Одоогийн байдлаар нийт 60 гаруй гишүүнтэйгээр үйл ажиллагаа явуулж байгаа бөгөөд тайз дэлгэцийн чиглэлээр уран бүтээлээ туурвих аж.
Уран бүтээлчдийн хувьд доод тал нь 10 жилийн хугацаанд салбартаа ажилласан хүмүүс нэгдэж чадсан нь тэдний давуу тал гэнэ. “Чүрэ” нэгдэл уран бүтээлийнхээ албан ёсны нээлтийг энэ сарын 24-нд хийхээр товоо зарлаад байгаа юм.
Сэтгэгдэл байхгүй байна