Маргааш Бурхан багшийн анхлан “Номын хүрдээ эргүүлсэн” их дүйчин өдөр тохиож байна. Уг өдрийг тохиолдуулан Үндэсний номын сан, Гандантэгчилэн хийд тэргүүтэй сүм хийдүүд хамтран “Ном дор итгэмүү, Ном дор мөргөмүү” арга хэмжээг зохион байгуулах гэж байна. Энэ үеэр Гандантэгчилэн хийдэд хадгалагдаж буй хосгүй үнэт “Алтан Ганжуур”, Монголын Үндэсний номын санд хадгалагдаж буй “Сандуйн жүд” бусад сүм хийдэд хадгалагдаж байсан “Доржзодов”, “Алтгангэрэл” болон “Есөн эрдэнийн Ганжуур”, мөнгөн хуудаст, алтан үсэгт “Сандуйн жүд” зэрэг судруудын дээж, хувилбарыг Тусгаар тогтнолын талбайд залж, иргэдэд үнэ төлбөргүй үзүүлж, сонирхуулах юм байна.