Архангай аймгийн Батцэнгэл сумын уугуул Гэлэгжамцын Өсөхбаяр, Төв аймгийн Сэргэлэн сумын уугуул Агваансамдангийн Сүхбат нар улсын их баяр наадмаас хэдхэн хоногийн өмнө Монгол Улсын Ерөнхийлөгчийн гараас “Дархан аварга” цолны үнэмлэх, тэмдгээ гардахаар болжээ.
Үндэсний их баяр наадмын тухай хуульд нэмэлт өөрчлөлт оруулснаар Далай аварга цолыг хассан тул Г.Өсөхбаяр, А.Сүхбат нар дархан аварга цол хүртэхээр болж буй юм. Ийнхүү Монгол Улсын дархан аварга цолтны бүл долоон гишүүнтэй байснаа нэг дор, нэг өдөр 9 болж, бүл нэмж байна.
А.Сүхбат нь 2000, 2004 оны наадмаар тус бүр ес давж түрүүлсэн, 2001 оны тэгш ойн наадмаар 1024 бөхөөс 10 давж түрүүлсэн амжилтаараа дархан аваргын босгыг давж байна.
Г.Өсөхбаяр нь 2002, 2003, 2005, 2009 оны наадмуудад тус бүр ес давж, дөрвөн удаа түрүүлсэн амжилтаараа дархан аваргын бүлд орж буй юм.
Ийнхүү “Зургаан залуу зааны үе” гэгдэх монгол бөхийн нэгэн гайхамшигтай үеийг бий болгосон зургаан хүчитнээс хоёр нь дархан аварга цол хүртэж байна.
М.Мөнхжин
Сэтгэгдэл (15)