Одоогоос 1400 жилийн өмнө Монгол баатруудын тоглож байсан “Алтай ятга” хөгжмийг сэргээн бүтээх төсөл үргэлжилсээр байгаа билээ. Тэгвэл өчигдөр “Алтайн ятгыг дуурьсгах их ёслол” “АСА” циркт амжилттай болж өндөрлөлөө.
Алтай ятгыг анхлан дуурсгах Монгол баатраар мэргэжлийн сумогийн 68 дахь их аврага Асашёорюү Д.Дагвадорж тодорсон бөгөөд ёслолын арга хэмжээнд нэрт ятгачин Ч.Мөнх-Эрдэнэ, “Бөртэ” хамтлаг, “Алтай” хамтлаг, “АСА” циркийн жүжигчид зэрэг нийт 100 орчим уран бүтээлчид хамтран оролцсон билээ.
Энэхүү хөгжим нь 1400 жилийн өмнөх дайчин баатрын хадны булшнаас олдсон Алтайн ятгын цар нь 2 мм нимгэн, тээг нь салаагүй байдалтай олджээ. Энэ нь тухайн үед хөгжим урлах өндөр технологитой байсныг илтгэнэ.
Алтай ятгыг сэргээснээр монголчууд бид нэгэн шинэ төрлийн хөгжимтэй болж байгаа бөгөөд дэлхийн хөгжмийн түүхэнд нэн ховор хөгжмийн зэмсэг болж байгаа аж.
Энэхүү ёслолд ХБНГУ-ын ЭСЯ-ны бие төлөөлөгчид болон Элчин сайд Тийдеманн, Гадаад харилцааны сайд Л. Болд, Соёл, спорт, аялал жуулчлалын сайд Ц. Оюунгэрэл, Их аварга Д.Дагвадорж, нэрт хөгжмийн зохиолч Н.Жанцанноров нар хүрэлцэн ирсэн юм.
М.СОНОР
Сэтгэгдэл (22)