Урлагийн гавьяат зүтгэлтэн хөгжмийн зохиолч Б.Долгион, Г.Энхбаяр, Г.Пүрэвдорж, Соёлын гавьяат зүтгэлтэн Л.Балхжав, И.Болоож гавьяат жүжигчин Г.Жаргалсайхан нарын "Ахмадын золбоо" хамтлагийн тоглолт уржигдар, өчигдөр боллоо.

Монголын рок, поп урлагийн анхдагчид болох "Соёл-Эрдэнэ", "Өргөө", "Инээмсэглэл", "Хөх тэнгэр" хамтлагийн төлөөлөл болсон тэд "Нойргүй хоносон зургаан ноот"тоглолтоороо сэтгэлд хоногшсон дуунуудаа дуулж, үзэгчийн сэтгэлийн гэгээн дурсамжийг сэргээж, хамтдаа дуулж, бүжиглэж хоёр оройг дурсамж дүүрэн өнгөрөөлөө.