Он цагийг элээсэн хуучин, түүхэн эд юмс эргэн моод болох нь элбэг байдаг. Үүний нэг жишээ бол “Sleeveface” буюу пянзны дугтуйн дээрх зургийг өөрийн биеийн аль нэг хэсэгт тааруулан барьж түүнийхээ зургийг авдаг моод, тренд юм. Үр дүнд нь үүссэн хөгжилтэй зургаа цахим сүлжээнд байрлуулан олон нийттэй хуваалцана. Танд магадгүй пянз байгаа боловч түүнийгээ тоглуулах тоглуулагч нь байхгүй бол зургийн аппарат, пянзны хавтсан дээрх зураг болон бага хэмжээний уран сэтгэмжээ ашиглан ийнхүү хөгжилтэй аргаар цагийг өнгөрөөж болох юм.