Дэлхийн алдартай брэндийг албан ёсоор, тэр тусмаа үндэслэгч нь өөрөө биечлэн ирж, үүд хаалгаа нээсэн тохиолдол Монголд ганцхан байдаг нь “United colors of Benetton”. Дэлхийн дундаж брэндийн зах зээлд өнгөний хослол, хямд үнээр ноёрхол тогтоосон тус брэндийн албан ёсны дистрибьютерийн эрхийг авч чадсан адтай, азтай бүсгүйг Н.Оюунбат гэдэг. Хэр баргийн эрчүүдийг хол хаях хөдөлмөрч, дайчин энэ хатагтай цагтаа гахай үүрч, ганзага зөөж явсан түүхтэй. Тэгвэл өнөөдөр Монголын Нью-Йорк гэгддэг 3, 4-р хороолол, баячуудын Зайсанд хоёр ч дэлгүүрээ нээгээд байна.
Н.Оюунбат хатагтайн охин Б.Энхбаясгалан хэмээх энэ бүсгүй ээжийнхээ их бизнест тусалдаг бөгөөд Зайсан дахь салбарыг нь хариуцан ажиллуулдаг. Цэл залуухан карьерист бүсгүй Туркт дунд сургууль дүүргэж улмаар ноён Бенэттоны анхааралд өртсөнөөр загварын нийслэл Италид үйл ажиллагаагаа явуулдаг “United colors of Benetton” компанийн халуун бүлд багтаж, ажиллаж явсан боловсрол мэдлэг өндөр, үзэж харсан юм ихтэй залуу хатагтай. Харин Н.Оюунбат хатагтайн нөхөр нь барилгын салбарт бизнес эрхэлдэг гэнэ лээ.
Сэтгэгдэл (1)