Реалити од Ким Кардашиан хэдхэн хоногийн өмнө амаржиж, бяцхан охинтой болсон билээ. Тэгвэл Ким Кардашиан удахгүй хурим хийнэ хэмээн шуугиан дэгдээд байгаа. Эх сурвалжийн мэдээлснээр Рэппэр Канье Уэст Ким Кардашианыг амаржсаны маргааш нь хар алмаазтай гоёмсог бөгж бэлэглэн гэрлэх санал тавьсан билээ. Хосууд ирэх есдүгээр сард хайрын хот Парист хуримаа хийхээ товлосон гэж байгаа. Өмнө хурим хийж байсан Ким ийнхүү хоёр дахь удаагаа охиныхоо аавтай хуримаа хийх нь. Ким Кардашиан өнгөрсөн 15-ны өдөр “Cedars-Sinai” эрүүл мэндийн төвд амаржсан хэдий ч дөнгөж өнгөрсөн пүрэв гаригт эмнэлгээс гарчээ. Тэрээр тус төвд хэвтэн эмчлүүлж байхдаа хоног тутамд 100 мянган ам.доллар төлж байсан гэнэ. Ким, Канье нар бяцхан охиндоо North West гэдэг нэр өгсөн бөгөөд “Nori”/Нори/ хэмээн өхөөрдөн дууддаг бөгөөд анх удаа тэдний охиноо олон нийтэд танилцуулаад байна.
Сэтгэгдэл байхгүй байна