Англи Улсад продюссер, найруулагчийн чиглэлээр суралцаж ирээд салбар салбарт хүч үзэн яваа B.A.T буюу Батболдыг анх ямаан сахалт гэж нэрийдэж байсан. Харин ямаан сахлаа авахуулснаас нь хойш түүний B.A.T гэдэг нэр тодорч эхлэв. Тэрээр нийгмийн бас л нэгэн идэвхтэй залуусын нэг. UBS телевизээр “Chart 10” нэвтрүүлгийн хөтлөгчийн хажуугаар өөрийн, өвөрмөц, бие даасан уран бүтээлүүдийг хүргэж байсан бол саяхнаас мэргэжлээ солиод байгаа билээ. Хөтлөгчөөс найруулагч болж буй B.A.T урлаг соёлын арга хэмжээг барагтай л бол алгасдаггүй нэгэн. Хаана ч явсан гэргий машин хоёрооро гангарч явдаг B.A.T-ийн гэргий басхүү өвөрмөц стиль имижтэй. Нэгэн үйл ажиллагаанд хөтлөлцөн ирэхдээ хосууд тод улаан өнгөөр хосолж бусдаас содон харагдаж байсан шүү. B.A.T –ийн 30.000$ буюу 40 сая төгрөгийн үнэтэй Форд Мустанг хэмээх оранж өнгийн машин нь хүртэл их хотод цорын ганц содон өнгөтэй машин гэхэд хилсдэхгүй. Ийнхүү B.A.T янаг хонгоруудаа хаана ч унаж, хөлөглөж, хөтөлж явна гэдэг гэнэ лээ.
Сэтгэгдэл байхгүй байна