Мелодия маргааш

Бүдүүн, баргил хоолойгоороо олонд танигдсан “Universe best songs” –ын шилдэг оролцогчдын нэг байж, өөрийгөө тод томруунаар тунхаглаж чадсан залуу дуучин Б.Дэлгэрбаяр “Мелодия” уран бүтээлийн тайлан тоглолтоо ганцхан удаа тоглох гэж буйг танд дуулгая.  Та бидний сэтгэлд хоногшсон Оросын алдарт дуунуудаас бүрдсэн энэхүү тоглолтонд ДБЭТ-ын симфони найрал хөгжим, тус театрын удирдаач Л.Нямдаш нарын уран бүтээлчдээс гадна дуучин залуугийн  дуулаачийн багш зууны манлай дуурийн дуучин, Төрийн шагналт, Ардын жүжигчин  Х.Уртнасан ерөнхий найруулагчаар оролцох юм.  Б.Дэлгэрбаярын “Мелодия”  анхны бие даасан тоглолт маргааш 18:00 цагт  “Тусгаар тогтнолын ордон”-ы  тайзнаа тоглогдох  аж.