Үе үеийн хитүүд эгшиглэх үдэш

Зууны манлай эстрадын дуучин, Монгол Улсын Гавъяат Жүжигчин, Поп хатагтай Б.Сарантуяа төрсөн өдрөө фэнүүдтэйгээ тэмдэглэдэг заншилтай.  Тэрээр энэхүү  уламжлалаа хадгалж энэ сарын 20-нд ” Хайрын бурхан” нэртэй амьд тоглолт хийх гэж байна. Улаанбаатар паласын концертын их танхимд болох тус тоглолтонд түүний дуулж амилуулсан үе үеийн хит дуунууд эгшиглэх юм. 100 хувь амьд тус тоглолтонд “Ап мюзик” продакшны продюсер Н.Халиун, гитарчин Д.Өлзий-Орших, бөмбөрчин Золбоо, хөгжмийн зохиолч Г.Энхбаяр нараас гадна Төрийн соёрхолт дуучин Д.Болд, МУГЖ Д.Жаргалсайхан МУГЖ Б.Дашдондог, МУГЖ Д.Төмөрцог, Хурд хамтлагийн гитарчин Д.Отгонбаяр гэх түүний уран бүтээлийн анд, хамтран зүтгэгчид оролцох аж.