Москвад болсон мундаг том уралдаанд Монголын дуучид мундаг том амжилт гаргаж байсан цаг саяхан. Монголчуудын хувьд өнгөрсөн оны хамгийн баяртай сайхан мэдээ ч энэ байж магадгүй. М.Глинкийн уралдаанд цойлсон манай гурвын нэг, эрэгтэй нэгдүгээр байрын шагналт Цагдаагийн “Сүлд” чуулгын гоцлол дуучин, Гавьяат жүжигчин Г.Ариунбаатар билээ. Нас залуу ч хийсэн уран бүтээлээрээ тэрбээр гавьяат цолоор энгэрээ мялааж ард түмний хайр хүндэтгэлийг хүлээсэн чадварлаг дуучин. Мөн саяхан Монголын нэрт хөгжмийн зохиолч, Төрийн хошой шагналт, Ардын жүжигчин Н.Жанцанноровтой хамтран “Монгол сонгодог” тоглолтоо ард түмэндээ толилуулж урын сангаа баяжуулсан. Тэгвэл гавьяат дуучин маань саяхан хуримаа хийж ойр тойрныхонтойгоо нам жимхэн тэмдэглэн өнгөрүүлсэн байна. Өөрийн цахим хуудаснаа гэргий болсон бүсгүйтэйгээ бүжиглэж байгаа зурагаа тавьжээ.
Сэтгэгдэл байхгүй байна