Дуучин Жастин Тимберлейк “Suit and Tie” нэртэй шинэ сингл цомгоороо сонсогч фенүүддээ бэлэг барихад бэлэн болжээ. Тэрээр энэ цомгоо реппэр ЖейЗи-тэй хамтран гаргаж байгаа гэнэ. Жастиний хувьд 2006 оноос хойш цомог гаргаагүй байсан бөгөөд хамгийн сүүлд “FutureSex/LoveSounds”, “The 20/20 Experience ” хэмээх цомгууд гаргаад байсан юм. Ямартаа ч өдгөө 31 настай дуучин залуу ийнхүү уран бүтээлийнхээ ажилд шаргуу орж, шоу ертөнцдөө эргэн ирж байгаа бололтой. Түүний шинэ цомог энэ оны сүүл гэхэд бэлэн болж, худалдаанд гарах гэнэ. Мөн Жастин энэ цомогт орох дууныхаа үг болоод аяын ихэнхийг өөрөө бичиж байгаа гэнэ.
Сэтгэгдэл байхгүй байна