Гамлет баяртай

Улсын драмын эрдмийн театр энэ удаагийн өвөл цагийн нээлтээ дэлхийн утга зохиолын ноён оргил болсон У.Шекспирийн “Гамлет” эмгэнэлт драмын жүжгээр нээлтээ хийсэн билээ. Цас бударсан өвлийн нэгэн орой улаан хивсээр эхэлсэн тус жүжгийн нээлт хүн бүрийн тэсэн ядан хүлээсэн, магадгүй насаараа хүлээсэн ч юм шиг бодол төрөх энэ гайхамшигтэй жүжиг нээлтээ хийсэн саяхан. Дэлхийн агуу зохиолчийн суут бүтээлийг дэлхийн бүх улс үндэстэний театрынхаа чадал чансаа, жүжигчдийнхээ авьяас чадварыг сорьж, тодорхойлохын тулд тулд тавьдаг гэдэг. Хүн төрлөхтний мөнхий асуулт  “Орших уу, эс орших уу” хэмээх асуултыг багахан ч гэсэн ойлгоход дөхүүлсэн “Гамлет” өнөөдөр хаалтаа хийх гэж байна. 
Манайд 33 жилийн дараа хоёр дахь удаагаа театрын тайзнаа амилах гэж буй тус жүжгийн гол дүр Гамлетад УДЭТ-ын жүжигчин, Соёлын тэргүүний ажилтан С.Болд-Эрдэнэ,  түүний ээж Гертрудгийн дүрд Гавьяат жүжигчин У.Уранчимэг,  Офелияд залуу жүжигчин А.Ганчимэг, Соёлын тэргүүний ажилтан, жүжигчин Д.Ганцэцэг нар тоглох бөгөөд жүжиг улаан хивсний ёсоолоор ёслол төгөлдөр эхэллээ. Цас бударсан өвлийн нэгэн хүйтэн орой, тэсэн ядан хүлээсэн үзэгчид харин ч даарсан шинжгүй улам ч гоё ганган хувцасаа өмсөөд ирэх нь театрын урлаг тэр дундаа соёл урлаг хэр хөгжиж, цэцэглэж байгааг харуулах мэт. Тэр бүр театрын тайзнаа тавигдаад байдаггүй дэлхийн ноён оргил “Гамлет” эмгэнэлт драмын жүжигт манай залуу үеийн төлөөлөл мөн өөрсдийн авьяас чадвар,театрын урлаг хэр хөгжсөн, хэр чадал чансаатай болсноо ард түмэндээ харуулж бас шалгуулж байгаа нь энэ. Найруулагч Наранбаатар энэ том жүжигийг тайзнаа амилуулж, дүрүүдээ өөрөө сонгосон гэхээр  мэдрэмжтэй бас  гайхалтай сонголт хийсэн байна гэж үзэгчид нэгэн зэрэг хэлэх биз.  Мөн Наранбаатар тус жүжгийнхээ хөгжмийг С.Сансаргэрэлтэхээр бичүүлсэн нь маш их талархууштай болсныг энэхүү жүжгийн хөгжмөөс бэлхнээ харуулна. Гамлетийн хөгжмийг маш цөөхөн хүн бичсэн байдаг бөгөөд хөгжмийн зохиолч С.Сансаргэрэлтэхэд “Браво” гэдгийг харамгүй хэлмээр. Гол баатар Наранбаатар найруулагч түүхэнд бичигдэн үлдэх энэхүү гайхалтай жүжгийн тайзнаа амилуулж ард түмэнийнхээ хүртээл болгосон тэр өөрөө “Гамлет” байлаа. Магадгүй үзэж амжаагүй хэн нэгэн байвал амжиж өнөөдөр “Гамлет”-ийг үзээрэй гэж уриалмаар байна.