ОХУ-ын гавьяат жүжигчин, Буриад улсын ардын жүжигчин дуучин Б.Амархүү өнгөрсөн амралтын өдрүүдэд “Гэртээ харих зам” хэмээн өвөрмөц утга санаа агуулсан тоглолтоо тавьж элэг нэгт ард түмэндээ мэндэлчилсэн билээ. Тэгвэл уг тоглолтын хамгийн оргил хэсэг нь Амархүүгийн хайрын үнсэлт байлаа. Тоглолын дунд хэсэгт тайзыг “Шилмэл загвар”-ын залуу загвар өмсөгчид чимж хэсэгхэн загвар үзүүлсэн. Тэгвэл тэр дунд час улаан даашинзтай, өндөр гоолиг бүсгүй Б.Амар¬хүүгийн хамт цоо шинэ дууг үзэгч түмэнд хүргэсэн юм. Дуу дууссаны дараа дуучин залуу өнөөх бүсгүйг тайзнаа буцаан урьж “Миний хайртай бүсгүй” О.Ариунзул хэмээн танилцуулж үзэгчидэд том бэлэг барьсан юм. Тэрбээр “Бид хоёр монголчууддаа зориулж ийн дуу бүтээж хамтдаа тайзан дээр анх удаа амилууллаа, “Миний Хайраа” хэмээн дуудан эрхлүүлж үнсэж хайраа илэрхийлсэн юм. Энэ нь үзэгчидэд тийм ч таалагдаагүй болов уу. Тайзан дээр битгий хэл нялуурч байгаа хүмүүсд таагүй ханддаг монголчууд Амархүүгийн тоглолтын энэхүү бэлэгийг ямараар хүлээж авсан нь тодорхой. Гэвч монголын хацар гоо охидоос нэгийг нь сонгож “Хайраа” хэмээн дуудсан нь үзэгчидэд үнсэлцэхээс илүү таалагдсан анзаарагдсан. Харин залуу хосуудын цаашдын амьдралыг гагцхүү цаг хугацаа л харуулах байх. Ингээд Монголын нэгэн сайхан хосууддаа аз жаргал хүсье. 
Сэтгэгдэл байхгүй байна