Уянгалаг хоолой, гоо төрхөөрөө ерээд оны залуусыг байлдан дагуулж, нас насныхны сэтгэлд хоногшсон дуунуудаараа урлагийн салбарт зам мөрөө тунхаглаж чадсан дуучин бол Р.Лхамаа. Цагтаа энэ бүсгүйн ард поп хатагтай Б.Сарантуяа вокал хийдэг байсан нь “Мөнгөн харандаа” хамтлагт дуулж байх үеийнх. Түүнийг илүү уянгалаг хоолойтой хэмээн гоцлол дуучнаар дуулуулдаг байсан гэдэг. Гэвч урлаг, уран сайхнаас гадна боловсрол, мэдлэгийг ч эрхэмлэн үздэг хатагтай Р.Лхамаа нэг л өдөр тайзнаасаа холдож, хилийн чанад руу хүлгийн жолоо залсан нь оюундаа хөрөнгө оруулахаар шийдсэнтэй нь холбоотой. Дуучид дундаа хамгийн өндөр боловсролтойд тооцогдох Р.Лхамаа хатагтай Арабын Эмиратийн алдартай хотуудын нэг Дубайд үндэсний томоохон барилгын компанийн санхүүгийн хэлтэст ажиллаж байсан гэнэ. Энэ мэдлэг туршлагаа ашиглаж тэрээр эх орондоо гадны хөрөнгө оруулалттай барилгын зөвлөгөө өгдөг “Fes” хэмээх компанийг удирдан ажилуулж байгаа аж. Ийн ид мандан бадрах үедээ эх орноо орхисон дуучин бүсгүйг үгүйлж, санагалзах үнэнч фенүүд олон. Р.Лхамаа хатагтай эх орондоо ирсэн төдийгүй шөнийн клубүүдэд амьд хөгжимтэй хоршин дуулж урлагийн тайзнаа эргэн ирээд багагүй хугацааг үдээд байсан. Түүгээр ч барахгүй “Уучлаарай би завгүй байна”, “Өнгөрсөн шөнө чиний өвөрт” зэрэг өвөрмөц нэртэй шинэ дуунуудаар урын сангаа баяжуулсан тэрээр энэ сарын 29-нд “River Sounds” клубт болох уг тоглолтыг JCI, “UB Central” зэрэг байгууллагагтай хамтран зохион байгуулж, тоглолтоос орох орлогыг тархины саажилттай Б.Номуундалай охины эмчил¬гээнд зориулж анхны бие даасан тоглолтоо ийн хийж өндөрлөлөө. Ашгийн бус цэвэр хүмүүнлэгийн уг тоглолт тун ч өвөрмөц болсон бөгөөд мөн дуучин Лхамаа тайзан дээрээ л дуулдаг хэвшлийг халж, үзэсгэлэнт дуучин бүсгүй нэг үдшийг үнэнч фенүүдийнхээ дунд дуулж, бүжиглэж өнгөрүүллээ. Хамгийн сайшаалтай нь тоглолтын бүх орлогыг “Би ярьж чаддагсан бол “ааваа” гэж дуудахсан, би явж чаддагсан бол ээж дээрээ гүйгээд очихсон” хэмээн мөрөөдөж суугаа тархины саажилттай Б.Номуундалай охины эмчилгээнд зориулсан бөгөөд энэ тоглолтонд бяцхан Намуундалай охины аав, ээж нь Дуучин Лхамаад “Лили” цэцэг барин нүдэндээ нулмистай, инээмсэглэсээр Харь орноос уг тоглолтонд ирсэн юм.Хүнд өвчтэй тэмцэж байгаа Номуундалай охины эмчилгээнд зориулсан энэ удаагийн хандивын тоглолт орос, англи, монгол дуу бүхий гурван хэсгээс бүрдсэн бөгөөд 1990-ээд онд рок попын тайзнаа хүчирхэг хоолой, өөрийн гэсэн өвөрмөц төрхөөрөө фенүүдээ байлдан дагуулж явсан дуучин Лхамаа хэсэг хугацаанд завсарласны дараа ийнхүү хүмүүнлэг үйлсийн тоглолт хийж үзэгч фэнүүдтэйгээ уулзсан нь маш том бэлэг, мөн сонин содон тоглолт болж өндөрлөсөн юм.
Сүүлд нь дуулгахад энэхүү тоглолтонд хүрэлцэн ирсэн зочид,
JCI, “UB Central” зэрэг байгууллагуудын хамт олон мөн тусламжийн гараа сунгаж Намуундалай охинд хувийнхаа зүгээс хандив өгч үнэхээр үзүүштэй, хүмүүнлэгийн сайхан тоглолт болж өнгөрлөө. Дуучин Лхамаадаа цаашдын уран бүтээлд улам их амжилт хүсэж, олон сайхан уран бүтээлээрээ үзэгч фэнүүдтэйгээ ахин дахин тайзан дээрээс уулзахыг фэнүүдийнх нь зүгээс хүсье.
Сэтгэгдэл байхгүй байна