Манай хошин урлагийнхан хоорондоо сууж, амьдрал зохиосон нь элбэг байдаг. Тэдгээрийн нэг Ш.Доржсүрэн, А.Мөнхзул хоёрыг үлгэр жишээ хосуудын нэг гэдэг. СУИС-ийн оюутан байхдаа доод ангийнхаа шавилагхан бүсгүйд сэтгэл алдарч, чамайг Жульеттад тоглуулна гэсээр авч суусан Доёо ч хошин урлагийнхан дундаа нуруутай, хүн чанартай эх хэмээнх үнэлгээг авдаг. Бусдыг бодвол хэл ам таталж, дуулиан шуугиан дэгдээх нь ховор тэрбээр “DOZ entertainment” хэмээх продакшнтай. Жүжиглэхээс гадна шаггүй сайн хөтлөгчийн авьяастай Доёо хаа ч хоолоо олоод идчих авьяастайг хэлэх үү, гэр бүлээрээ “Мобиком”-ын рекламны нүүр царай болж, хүч хөдөлмөрөөрөө хэнээс ч дутахгүй амьдралаа аваад явчихдаг ёстой бие биеээ олсон хосууд. Тэгвэл жүжигчин Зулаа “одтой бүжиглэе” шоуг TV5 телевиз уламжлал болгон жил бүр зохион байгуулдаг тэмцээн оролцоод шүүгчдээс өндөр үнэлгээ авч, үзэгчдийг алмайруулсан байна. Жүжигчин Зулааг шимтэн, онцгойрч харсан шүүгч Монголын бүжгийн спортын холбооны дэд ерөнхийлөгч А.Мөнххуяг “Зулаа, чи их гоё хөлтэй юм аа. Энэ хөөрхөн эвлэгхэн хөл уран гоё бүжих нь ямар сайхан сэтгэгдэл төрүүлдэг гээч” хэмээн уулга алдсан байна. Энэ байдлыг харсан үзэгчид битий хэл нөхөр Ш.Доржсүрэн хараад юу гэж бодсон бол гэсээр үзэгчид гарсан сурагтай...
Сэтгэгдэл байхгүй байна