Гадаад захиралтай учраас мэдээнээсээ эхлээд нэвтрүүлэг нь хүртэл нэг л хөнгөн байдаг “С1” телевиз хөтлөгч нараараа цуутай. “Өдөн дэр” нэвтрүүлгийн Халиун, “Шоубизоне”-ы Зулаа, Амараа гээд цуутай бүсгүйчүүд, сийрэг толгойтой залуучууд эднийх. Тус телевизийн хөтлөгч Барсаа буюу Барслхагва телевизийн ажлынхаа зэрэгцээ энд тэндхийн шоу,арга хэмжээг хөтөлчихдөг “хамилеон” нэгэн. Өнгөрсөн сонгуулиар МАН-ын сурталчилгааны хэд хэдэн ажлыг хөтөлж байсан Барсаа өнөөдөр төв талбай дээр зохиогдож буй зайрмагны баярыг хөтөлж, өөдөсхөн хүүхдүүдийг инээлгэж байна. Барсаа бага байхын л сэргэлэн, хүний арга эвийг олчихдог хүүхэд байж. Тэрээр МХО-ны Драмын дугуйланд одоо ид хийж бүтээж байгаа жүжигчин А.Ганчимэг, “Х түц”-ийн С.Тэмүүжин, “Маск”-ын Чулуунцэцэг нартай нэг ангид сурч байсан бөгөөд СУИС-д үргэлжлүүлэн энэ чиглэлээрээ сурч төгссөн билээ. Оюутны ширээнээс “С1” телевизэд ажиллах болж нэг сургуулийн найз Гэрэлцэцэгтэй хамтран “Хэзээд бэлхэн” хэмээх энтэртайнмент нэвтрүүлэг хөтөлсөөр олон жилийн нүүр үзэж байна. Сүүлийн үед “Банкир” шоуны хөтлөгч гэдгээрээ олонд танигдаад байгаа Барсаа 13 орчмоор нэгэн өндөр, царайлаг бүсгүйтэй хөтлөлцөн эргэлдэх нь ихэсчээ. Барсаа өрх тусгаарлаж байгаа юм болов уу?
Сэтгэгдэл байхгүй байна