Дуучин С.Сэрчмаа хоёр шинэ дуу гаргана

Хэсэг хугацаанд уран бүтээлээ завсарлаж, хувийн амьдралдаа санаа тавьсан дуучин С.Сэрчмаа шинэ дуу гаргахаар эрчимтэй ажиллаж эхэлжээ. Тэрээр “S entertainment” студид хайрын тухай шинэ хоёр ч дуугаа бичүүлж байгаа гэнэ. Хайрын дууч бүсгүй маань хувь хүний хувьд хөгжиж, төлөвшсөн ч их урлагт өөрийг нь хөтлөн оруулсан хайрын сэдвээсээ хазайхгүй нь бололтой. Наадмын үеэр ирж тоглох урилгад дарагдаад байгаа С.Сэрчмаа саяхан Монгол дахь Францын Элчин сайдын яамны урилгаар нэгэн арга хэмжээнд оролцож, DJ Shaman-тай хамтран “Хайр бид хоёр” дуугаа дуулжээ.