Рианна нуруундаа
Дуучин Рианна Грэммийн Хөгжмийн наадам болон “Байлдааны хөлөг онгоц” киноны Лос-Анжелос хотод болсон нээлтэнд уригдан оролцохдоо гоёмсог хотгор нуруугаа ил гаргасан даашинз өмсчээ. Тэрээр загварын библи болсон “Vogue” сэтгүүлд өөрийнхөө биед бүрэн сэтгэл ханамжтай байдаг хэмээн ярьжээ. Рианна би нуруу, ууцан дээр товойдог махнаасаа салъя гэж огт бодохгүй байна. миний бие эрүүл, би эрүүл сайхан биеэрээ гоёно гэсэн байна.
Анжелина гуяндаа
Он удаан жилийн туршид жүжигчин Анжелина Жоли өндөр оноотой даашинзаар гангарсаар ирсэн. Энэ нь Жолигийн хувцасны шүүгээ ядмаг гэсэн үг огт биш. Харин ч өөрийн гуалиг, секси гуяа гайхуулж, өөртөө бүрэн итгэлтэй байхын тулд ийм даашинз сонгодог байна. Оскарын шагнал гардуулах ёслолыг Анжелина Жолигийн гуя чимлээ гэсэн мэдээ гарч байсныг та санаж байгаа биз ээ.
Маяли Сайрус бэлхүүсэндээ
“Өлсгөлөнгийн тоглоом” киноны нээлтэнд оролцохдоо Лос-Анжелос хотын гудамжаар нохойгоо салхилуулахдаа ч ер нь Маяли Сайрус хөх дарж, бэлхүүс гаргасан богино цамцыг түлхүү сонгодог. Залуу дуучин цавуулаг агуулаагүй хүнс хэрэглэж, дэглэм барьсны дүнд дээрх галбирыг олж чаджээ. Тэрээр Твиттертээ “Бүгдээрээ ядаж долоо хоног цавуулаггүй хоол идэцгээе. Арьсны өнгө, бие, сэтгэл зүйд гарч байгаа өөрчлөлтүүд гайхалтай” гэж бичжээ.
Ким Кардашиан өгзгөндөө
Реалити шоугаар олонд танигдсан Ким Кардашиан ямар ч хувцас өмссөн байсан түүний өгзөг байнга олны анхаарлыг татаж байдаг. Түүнийг гоо сайхны мэс засал хийлгэж, ийм тонтгор өгзөгтэй болсон гэх шуугианд хариу өгөхийн тулд рентген шинжилгээ өгч “төрмөл” гэдгийг нь баталсан удаатай. Тэрээр үргэлж би биеийнхээ фигурт өдөр бүр шинээр дурладаг, өөрөөрөө бахархаж байна хэмээн ярьдаг билээ.
Женнифер Лопез булчинлаг хөлөндөө
Женнифер Лопезын сэтгэл татам хөлийн талаар маргах хүн байхгүй биз ээ. Дуучин бүсгүй албан ёсны сайхан хөл хэмээн хүлээн зөвшөөрөгдсөн энэ хөлөө булчин шөрмөслөг чигээр нь хадгалахын тулд дасгалжуулагч хөлслөн түлхэх, явган суух зэрэг дасгал хийдэг байна.
Камерон Диаз “Америк гар”
Жүжигчин Камерон Диазын улаан хивсэн дээрх супер зогсолт нь зүүн гараа ташаандаа авсан байрлал байдаг. Энэ нь ч учиртай. Хоол, нойр, амьсгалын дасгал хийж, биеээ сайхнаар нь авч явдаг гэж ярьжээ.
Дуучин Кети Перри хөхөндөө
Задгай энгэртээ гоёмсог даашинзнаас огт татгалздаггүй Кети Перри хүүхэд байхдаа том хөхнөөсөө ичиж, Кейт Мосс шиг хөхтэй болохыг мөрөөддөг байсан гэвэл итгэх үү? Гэтэл одоо тэрээр хэнийг ч дуурайх шаардлагагүй эрхэмсэг оршихуй болсон шүү дээ.
Сэтгэгдэл байхгүй байна