Өнө эртнээс улбаатай Монгол хатдын дайчин хүчирхэг, ухаалаг,энэрэнгүй чанарыг өвлөн, 21-р зуунд нийгмийн бүх салбарт манлайлж, хөгжлийн түүчээ болж буй удирдагч бүсгүйчүүдийг олон нийтийн санал асуулгаар шалгаруулах, сурталчлан таниулах, эмэгтэйчүүдийн идэвхи оролцоог хөхиүлэн дэмжих зорилго бүхий “Grand Lady” ёслолын ажиллагааг ГРАНД сэтгүүлийн хамт олон санаачлан, хоёрдахь жилдээ амжилттай зохион байгууллаа. Монголын лидер эмэгтэй шалгаруулах тус ёслолын ажиллагаа энэ жил Нийгэм соёлын салбараар хүрээгээ тэлж, 6 номинацид нийт 28 лидер эмэгтэйг “Grand Lady” ёслолын ажиллагааг зохион байгуулах хороо нэр дэвшүүлэн, хамгийн ардчилсан, нээлттэй хэлбэр буюу онлайн хэлбэрээр, www.grandnews.mn цахим хуудсаар 2012.02.28-2012.03.10 хооронд санал асуулга авч шилдгийг шалгарууллаа. Үүнд:
1. Хүмүүнлэг – НИТХ-ын төлөөлөгч, Нийслэлийн Нийгмийн Ардчилал Монголын Эмэгтэйчүүдийн холбооны тэргүүн, “Тэнүүн сэтгэлт хүн” ТББ-ын Удирдах зөвлөлийн гишүүн, “Үндэсний цэцэрлэгт хүрээлэн”-гийн дарга, эрхэмсэг хатагтай Батсүхийн САРАНЧИМЭГ
2. Урлаг – УДБЭТ-ын захирал, эрхэмсэг хатагтай Болдын СЭРГЭЛЭН
3. Нийгэм соёл – Зохиолч, сэтгүүлч Баатарсүрэнгийн ШҮҮДЭРЦЭЦЭГ
4. Спорт – Монгол Улсын Хөдөлмөрийн баатар, Гавьяат тамирчин Отрядын ГҮНДЭГМАА
5. Бизнес – “Петровис” компанийн захирал, эрхэмсэг хатагтай Даваанямын ЭНХЧИМЭГ
Ёслолын ажиллагаанд нийгмийн бүхий л салбарын төлөөлөгчид хүрэлцэн ирж, эмэгтэйчүүдийн эрх, нийгэмд эзлэх байр суурийг бэхжүүлэн, дэмжих тухайд дуу хоолойгоо нэгтгэсэн нь уг үйл ажиллагааны бас нэгэн үр дүн байв..
ГРАНД сэтгүүл, зохион байгуулах комисс эл ёслолын ажиллагааг жил бүр тогтмол зохион байгуулж, өнөө цагийн өнгө, чимэг болсон өгөөмөр, хөдөлмөрч бүсгүйчүүдийг урамшуулан дэмжих болно.
Жич: 2012 он сонгуулийн жилтэй холбогдуулан гарсан хууль дүрмийг хүндэтгэн үзэж УЛС ТӨРИЙН салбарыг алгассан болно
.
Сэтгэгдэл (1)