Богд хааны ордон музейн хамгаалалтын бүсэд АПУ компани "Зугаа цэнгэлийн асар" барих гэж байгаа гэх мэдээлэл сүүлийн үед олон нийтийн анхаарлын төвд байгаа билээ. Ялангуяа сошиал сүлжээнд Богдын музейн эргэн тойрны газрыг хамгаалалтад авч, ямар нэгэн үйлчилгээ эрхлэх зорилгоор ашиглахгүй байхыг уриалсаар байгаа.

Тэгвэл өнөөдөр Ерөнхийлөгч Х.Баттулга Богд хааны ордон музейд очиж, газар дээр нь нөхцөл байдалтай танилцжээ. Музейн дэргэд ямар нэгэн олон нийтийн үйлчилгээ эрхлэх асуудалд Ерөнхийлөгч анхаарал хандуулж эхэлсэн тул газрын асуудлаар удахгүй байр сууриа илэрхийлэх биз ээ. 

Б.БИЛЭГ