Оюутан ахуйн найзуудтайгаа нийлээд хамтлаг байгуулж, нэг хэсэг дуулж, бүжиглэж явсан Э.Алдар одоо бол жүжигчин гэх үндсэн мэргэжлээрээ гайхуулж яваа. “Фантастик” продакшнаар овоглож, тайз, дэлгэцийн бүтээлийг хослуулахын зэрэгцээ кино зохиол бичиж, найруулах ажилд шамдан буй. 

Сүүлийн үед Э.Алдар "Маш нууц", "Зүрхний хилэн", "Байтаг богд" гээд түүхэн сэдэвтэй хэд хэдэн кинонд тоглосноос хойш дүр төрх, стиль имижээ нэлээд эвдсэн. "Зүрхний хилэн" киноны зураг авалтад зориулж 20 кг жин хасч, сахал тавьж, үсний засалтаа ч өөрчилжээ. Хүүхдийн гэмээр гэнэн цайлган, эгдүүтэй Алдараа илүү эршүүд төрхтэйгээр саяхны нэгэн арга хэмжээнд зочилсон нь энэ. 

Т.БАТЦЭНГЭЛ