Сөүлийн гудамжинд байрлах “Аз жаргалтай Улаанбаатар” хот чимэглэлийн баримлыг тавдугаар сарын 03-ны шөнө үл мэдэгдэх хүмүүс сүйтгэжээ. Энэхүү баримал болон 45-р сургуулийн өмнө байрлуулсан гэр бүлийн дүрс бүхий барималуудыг Нийслэлийн төсвийн хөрөнгөөр буюу 20 сая төгрөгөөр бүтээж байсан гэнэ. Одоогийн байдлаар камерийн бичлэгнээс хөшөөг сүйтгэсэн залууг замын эсрэг талд байрлах Үйлчилгээний газраас гарч байсныг тогтоогоод байгаа аж.

Гэмтнийг эрэн сурвалжилсан зарлал энд тэнд явж байгааг харахад хотын төвийн романтик хөшөөг нураасан эрийг хайх ажилд холбогдох газрууд нь анхаарал тавьж байгаа бололтой. Ямартай ч хэргийн эзэн олдвол хотоос гаргасан хөшөөний зардлыг төлөх гэж багагүй төлбөрт унах нь тодорхой аж. 

Б.БИЛЭГ