БОАЖ-ын сайд Н.Цэрэнбат НҮБ-ын суурин төлөөлөгч бөгөөд Хөгжлийн хөтөлбөрийн дарга Биата Транкманыг хүлээн авч уулзлаа. Уг уулзалтад БОАЖЯ-ны Ногоон хөгжлийн бодлого төлөвлөлтийн газрын дарга Т.Булган, Уур амьсгалын өөрчлөлт, гадаад хамтын ажиллагааны газрын дарга Д.Ариунтуяа болон НҮБ-ын Хөгжлийн хөтөлбөрийн ажилтнууд оролцсон юм.

Н.Цэрэнбат сайд болон Биата Транкман нар байгаль орчны салбарт өмнө нь хамтран хэрэгжүүлж байсан ажлын үр дүнгийн талаар хэлэлцэж, 2018 оноос хамтарч хэрэгжүүлэх ажлынхаа талаар санал солилцсон юм.