Манжаагийн Ичинноров хүний эрхийн хуульч гэдгээрээ олонд танигдсан манай нийгмийн идэхтэй цөөн эмэгтэйчүүдийн нэг. Энд тэндхийн дуулиан дагуулсан хэрэг, эмэгтэйчүүдийн эрхийн асуудал дээр хуулийн зөвлөгөө өгч, өмгөөлөл үзүүлдэг нь түүний нэг онцлог. Баруунд хууль эрх зүйн мэргэжил эзэмшиж энэ чиглэлээр ажиллаж байсан туршлага ч бий учраас манай сайн хуульчдын нэгэнд тооцогддог. Харин хувийн амьдралын тухайд ээдрээ, адармаатай он жилүүдийг үдэж яваа нэгэн. Анхны нөхөр, хүүгийнх нь эцэг америк эр байсныг манайхан андахгүй мэднэ. Гэвч харь хүн бол харь хүн. Нэг л өдөр хосууд салж хүү аавынхаа халамжинд голцуу байхаар асуудлаа шийдсэн нь олон жилийн өмнөх явдал. 

Үүний дараа тэрээр Гантүшиг хэмээх энэ залуу эртэй романс үүсгэж, сүй тавьж гэрлэх бараалах дээрээ тулсан дотно харилцаатай гэдгээ олноос нуудаггүй байв. Гэвч түүний энэ сонголт бүтэлтэй болсон эсэхийг бид таашгүй. Хэн хэн нь ажин түжин яваагаас үзвэл хамтын амьдрал нь амжилттай болоогүй ч байж болно.