Завхан аймгийн Отгон сумын нутаг Отгонтэнгэр ууланд авиралт хийж байгаад цасан нурангид дарагдсан 17 хүнийг эрэн хайх, аврах ажиллагааны талаар ОБЕГ-аас мэдээлэл хийж байна.

Эрэн хайх, аврах ажиллагаад өнөөдөр 06:20 цагт эхлүүлжээ. Ингээд 11:15 цагт эхний иргэнийг нас барсан байдалтай олсон бол хамгийн сүүлд 15.15 цагт хоёр иргэний цогцсыг олсон байна. 

Сураггүй болсон 17 уулчны долоогийн цогцсыг олсон талаар албаны хүмүүс мэдэгдэв.

Энэ удаагийн авиралтад 27 хүн хамрагдсан. Тэдний арав нь бууж ирсэн. Бууж ирсэн 10 хүний 3 нь эмэгтэй, долоо нь эрэгтэй хүн байгаа.

Отгонтэнгэрт авирахаар явсан 27 хүн дунджаар 30-50 настай хүмүүс байжээ. 

Нас барсан уулчдын цогцсыг 3,200 метрийн өндөрт байдаг эгц хадан хясаатай газраас олсон байна. 

Уулчид хадан хясаа руу унасан байх магадлалтай, эрлийн ажиллагаа үргэлжилж байна гэж ослын газар ажиллаж буй ОБЕГ-ын Штабын дарга, генерал Г.Ариунбуян мэдээлжээ.