Энэ сарын 1-ний өдөр АНУ-ын Лас Вегас хотод “Route 91 Harvest Festival” хөгжмийн наадмын үеэр зэвсэгт халдлага болж, 58 хүн нас барж, 500 гаруй иргэн шархдан эмнэлэгт хүргэгдсэн талаар дэлхийн хэвлэлүүд мэдээлж байна. Зэвсэгт халдлагыг үйлдсэн хэрэгт АНУ-ын иргэн 64 настай Стэпэн Паддокийг сэжиглэж байгаа бөгөөд цагдаагийн ажилтнууд сэжигтний байрлаж байсан “Mandala Bay” зочид буудлын өрөөнд нэвтрэхэд тэрээр амиа хорлосон байдалтай олджээ.
Уг халдлагад монгол иргэд өртсөн эсэх талаар ГХЯ-наас тодруулахад "Халдлагад Монгол Улсын иргэн өртсөн гэсэн мэдээлэл байхгүй байна" гэлээ.
Сэтгэгдэл байхгүй байна