Уураа барьж дийлэхгүй нэгэнрүүгээ халуун буцалсан ус цацаж гэмтээж байсан хэрэг гарч олныг цочирдуулж байсан. Тэгвэл дахин нэг ийм төрлийн гэмт хэрэг гарчээ.

Тухайлбал, Баянзүрх дүүргийн 21-р хорооны 66 настай иргэн Д "Бэр танхайраад байна" гэх дуудлагыг цагдаагийн байгууллагад өгчээ. Дуудлагын дагуу цагдаагийн алба хаагчид очиж шалгахад, 36 настай эмэгтэй Т гэгч нь гэр бүлийн таарамжгүй харьцааны улмаас хадам ээжтэйгээ марган хөлрүү нь халуун ус цацаж түлж гэмтээсэн байна. Уг хэргийг Баянзүрх дүүргийн цагдаагийн хоёрдугаар хэлтэс шалгаж байна.