“Эрдэнэт” үйлдвэрийн Баяжуулах фабрикийн ээлжийн дарга Ш.Мөнхбаяр, баяжуулагч Н.Уранчимэг нарын ажилчид өчигдөр сэтгүүлчдэд мэдээлэл хийлээ. Тэд үйлдвэрийн Ерөнхий захирал Х.Бадамсүрэнг эрх мэдлээ хэтрүүлэн, ТУЗ-өөс батлаагүй орон тоог бий болгож, өндөр цалин хангамж өгөхөөс гадна бүтцийн өөрчлөлт нэрээр халаа сэлгээ хийсээр байгааг онцолсон юм. Мөн тэдний мэдээлж буйгаар нэг ч ажилчин нэмж авч болохгүй гэсэн шүүхийн шийдвэрийг үл тоон өөрийн хүмүүсээр багаа бүрдүүлэхээр улайрч байгаа аж. Үүгээр зогсохгүй Ерөнхийлөгчөөс илүү эрх мэдэл эдэлж, ард түмний гэх тодотголтой Эрдэнэт үйлдвэрийн мөнгөөр долоон зөвлөх томилсон баримтыг ч дэлгэв.
Ямартаа хэвлэлийн хурлыг зохион байгуулсан иргэд удирдлагуудаа АТГ-т шалгуулах, улмаар 60 тэрбумын хууль бус ажиллагаа “Эрдэнэт” үйлдвэрт хэрэгжиж байгаа эсэхийг нягтлуулах хүсэлтээ байгаа Ерөнхийлөгчид хүргүүлэх юм байна.
Дашрамд хэлэхэд, Х.Бадамсүрэн нь албан тушаалд очсон даруйдаа л өөртөө тансаг хаус бэлтгэж, 24.5 сая төгрөгийн цалин авч тансаглаад зогсохгүй MELODIA брэндийн унтлагын өрөөний тансаг иж бүрдлийг 25.5 сая төгрөгөөр, нэмээд 15 саяын хувцасны шүүгээгээр хослуулан нойрсох тав тухаа хангасан нь зураг хөрөгтэйгөө дэлгэгдэж байсан билээ.
Д.Дуулим
Сэтгэгдэл (1)