Даатгуулагчдынхаа итгэл найдвар, сэтгэл ханамжаар үнэлэгдэх нийгмийн даатгалын үйлчилгээг хүргэх эрхэм зорилготой Эрүүл мэнд, нийгмийн даатгалын байгууллага нь 2017 оныг “Эерэг хандлага-чанартай үйлчилгээ”-ний жилээр зарласан.
Энэ жилийн хүрээнд нийгмийн даатгалын үйлчилгээний соёл, чанарыг сайжруулах, иргэд, даатгуулагчдад ёс зүйтэй, мэргэжлийн үйлчилгээ үзүүлэх, даатгуулагчийн сэтгэл ханамжийг дээшлүүлэх зорилгоор салбарын хэмжээнд “Чанартай үйлчилгээ-соёлтой харилцаа” аяныг 75 хоногийн хугацаанд зохион байгууллаа.
Аян зохион байгуулснаар нийгмийн даатгалын байцаагч ажилтнуудын бүтээлч санаачилга, харилцаа хандлага дээшилж, үйлчилгээний тав тухтай, ээлтэй орчинг бүрдүүлсэн зэрэг эерэг үр дүн гараад байна.
Цаашид тэтгэврийн даатгалын үйлчилгээг иргэдэд чирэгдэлгүй, шуурхай хүргэх зорилгоор тэтгэвэр тогтоох, олгох үйл ажиллагааг өөрчлөн зохион байгуулах туршилтыг Дорнод, Хөвсгөл аймаг, Баянгол, Багануур дүүргийн Эрүүл мэнд, нийгмийн даатгалын хэлтэст эхлүүлэхээр боллоо.
Сэтгэгдэл (1)