С.Зоригийн амь насыг хөнөөсөн гэх хэргийн шүүх хурал Улсын Дээд шүүхэд өглөөний 09:00 цагт хаалттай эхэллээ. Одоогоор шүүх бүрэлдэхүүн сэтгүүлчдийг оролцуулах эсэх асуудлыг хэлэлцээгүй байгаа учир хэвлэл мэдээллийнхнийг хуралд оролцуулах эсэх нь тодорхойгүй байна.

Зарим эх сурвалжийн мэдээлж буйгаар, хяналтын шатны шүүх хурал хойшилж магадгүй гэх ба шүүх хурлыг хойшлуулах хүсэлтийг яллагдагч нарын өмгөөлөгчийн зүгээс шүүх бүрэлдэхүүнд хүргүүлээд байгаа аж. Хяналтын шатны шүүх бүрэлдэхүүн таван шүүгчээс бүрдэж байгаа ба хуралд яллагдагчийн өмгөөлөгч нар оролцож байна. Харин яллагдагч нарыг уг хуралд оролцуулах шаардлагагүй гэж Үндсэн хуулийн цэцээс үзсэн байдаг.