МҮОНТ жинхэнэ шидээвэр хөтлөгчдийг бэлтгэдэг өндөр зэрэглэлийн газар гэж хэлж болно. Маш өндөр шалгуур нарийн чанд хатуу дэг жаяг жирийн нэгнийг ч мэргэжлийн болтол “давтдаг” гэсэн үг. Тиймдээ ч тэр үү МҮОНТ-ийн өндөр босгыг элээх хүн залуу үеийнхнээс харьцангуй цөөн. Харин акулууд байрандаа байгаа. Тэгвэл “Их засаг”-ийн Н.Ням-Осорын охин Н.Ундрал саяхнаас “Цагийн хүрд” хөтлөх болжээ. Н.Ундралын хувьд зүгээр ч нэг хөөрхөн төрхтэй аятайхан хувцасладаг мэдрэмжтэй баян айлын танхи охин биш. Үүнээс өмнө “Royal HD” телевизэд олон сонирхолтой нэвтрүүлэг хөтлөн өөрийн карьераа бий болгосон бүсгүй. Сайтар бэлтгэл хийсний дараа энэ их айлын бүрэлдэхүүнд багтсан тул хууччуулд даруулах ч юм уу амбиц хүрэхгүй байх зүйл гарахгүй гэсэн үг. Нөхөр А.Чингүүн нь “Хүннү Ази Хоол” брэндээ тун амжилттай удирдаж яваа. Залуу хосууд хоёр дахь хүүхдээ өлгийдөн авсан нь саяхан мэт авч хэдийнэ ажил, карьераа цэгцэлж байгаа нь хэр өндөр зохион байгуулалттай хөдөлмөрч залуус болохыг харуулж байна.
Д.Сэргэлэн
Сэтгэгдэл (24)