“Төр оршихуй дор татвар, Татвар буй дор төр оршимой” хэмээх үгийг бүрэн ухамсарлаж үүргээ биелүүлдэг хүмүүсийн эгнээг хуульчид тэргүүлж эхэлжээ. Ёс зүйт иргэний үүргээ биелүүлсэн Монголын хуульчдын холбооны гишүүн, өмгөөлөгч Г.Батбаярыг “Нийслэлийн шилдэг татвар төлөгч” -өөр тодруулжээ. “Шилдэг татвар төлөгч”-дийг шалгаруулахдаа гаалийн харилцаанд орсон байдал тухайн Гааль, татварын албаны хэмжээнд татвар төлөлтөөрөө тэргүүлсэн, тайлангаа үнэн зөв алдаагүй гаргаж хуулийн хугацаандаа татвараа төлсөн, татварын өр төлбөрийн хэмжээ нь татвар төлөгчийн төсөвт оруулсан орлогын 5%-иас хэтрэхгүй байх зэрэг шалгуурыг баримталдаг аж. Өдгөө Монголын хуульчдийн холбоонд бүртгэлтэй 5000 орчим хуульч байдаг ч өмнө нь шилдэг татвар төлөгчөөр шагнагдсан түүхгүй юм байна. Татварын ерөнхий газрын дэд дарга Б.Заяабал энэ үеэр улс орны эдийн засаг хүндхэн байгаа энэ үед иргэн бүр улсдаа оруулж байгаа өндөр хувь нэмэрбол татвар юм гэж цохон хэлжээ. Гааль татварын байгууллагын хамтарсан энэхүү нэгдсэн өдөрлөгөөр холбогдох албаныхан нийслэлийн 8 дүүргээс шилдэг татвар төлөгчийг мөн шагналаа. Эдгээрийн дунд Чингэлтэй дүүргээс реппер Жи буюу Т.МөнхЭрдэнэ шилдэг татвар төлөгчөөр шагнагдаж байсан юм.
Сэтгэгдэл (2)