Эцсийн эцэст фэйсбүүкт нь мянга лайк дарж хамт авахуулсан зургаа хэдэн зуугаар хийгээд яах вэ дээ. Харин бие давхар болох үед дагуулж яваад хяналтанд оруулж хариуцлага хүлээдэг залуу л орчин цагт чухал. Рокит Бэй сошиал медиад өөрөө тийм ч идэвхигүй, найз охиных нь сураг ажиг гарсан ч хамт татуулсан патеригүй явсан нэгэн. Угийн хэгжүүн залуу хүн атлаа хөгшин хүн мэт няхуур байдал нь олонд дасал болсон зүйл.'
Мань эр С.Ану хэмээх бүсгүйтэй үерхсэн мэдээ тархсан нь саяхан мэт. Тэгвэл хосуудын харилцаа улам батжиж залуу бүсгүйгээ дагуулан нэгэн томоохон хувийн эмнэлэгт жирэмсний хяналтанд оруулсан гэнэ шүү. Ковер дуулчихдаг хувийн студитэй юм юмны зах зухтай шавилхан бүсгүй олон нийтэд таалагддаг дүр болох Рокит Бэй-н ирээдүйн гэргий болох нь тодорхой боллоо. Телевизийн дэлгэцээр аавгүй өссөнөө ний нуугүй ярьж суудаг Рокит Бэй өөрөө тун сайн аав болохуйц “кругозор”-той гэх үнэлгээг охидоос авсан. Түүнд тийм ч айхтар олон романс хайр дурлалын баялаг түүх байхгүй. Оройхон гараад ширүүхэн дайрна гэдэг шиг л юм боллоо. Фэнүүд нь гонсойж мэдэх тул мань эр нууцалсан ч байж болох юм.
Д.Сэргэлэн
Сэтгэгдэл (8)