Урлагийнхан нэг талаас азтай юм шиг нөгөө талаас азгүй ч юм шиг сонин тавилантай улс. Баяр ёслолын үеэр үргэлж бусдыг баярлуулсаар тардаг. Тэгвэл дуучин Э.Болор-Уянга энэ жилийн хамгийн азтай хүн болох нь тодорхой боллоо. Маргааш түүний “Ladie`s Summer Night” Vip тоглолт Corporate Hotel Cosmopolis Lounge-д болох юм. Охид бүсгүйчүүдийг догдлуулсан зуны халуухан үдэш заавал зургадугаар сарын 7-ны өдөр товлогдсон нь учиртай. Энэ өдөр Э.Болор-Уянгын төрсөн өдөр. Одоогоор Поп хатагтай Б.Сарантуяа л төрсөн өдрөөрөө нүсэр тоглолт хийж үзэгчдийг дасгаад байгаа. Залуу дуучид төрсөн өдөртөө тийм ч их ач холбогдол өгч баярт өдрөө фэнүүдтэйгээ тэмдэглэдэггүй. Э.Болор-Уянга залуу үеийнхнээсээ өөрөөр энэ өдөрт ач холбогдол өгсөн байна шүү. Төрсөн өдрөө ч хийнэ, фэнүүдтэйгээ ч уулзана, тоглолтонд даацтай уран бүтээлчид багтсан байна билээ. Тун онцгой үдшийг өнгөрүүлэх нь.
Э.Болор-Уянга өнгөрсөн жилийн зун бас “Энэ миний огторгуйд” цомгийн нээлт Vip тоглолтоо Ivy-д хийж байв. Энэ бүсгүйгээс жил бүрийн зун үзэгчид сюрприз хүлээдэг болох нь байна шүү. Маргаашийн тоглолтыг зорих гэж байгаа хүмүүст дуулгахад номин өнгө оролцуулсан болон дагнасан хувцас өмсөж ирэхийг дуучин бүсгүй санал болгосон байна. Сүүлийн үед төрсөн өдрүүд дресс код, ямар нэг сценартай болсон нь анзаарагдах болсон. Э. Болор-Уянгатай хамт зуны халуухан үдшийг халуухан өнгөрүүлэхэд нэг хоног үлдлээ.
Сэтгэгдэл (6)