Бид та бүхэнд энэ удаад олны танил биш хүмүүсийг танилцуулах гэж байна. Гэхдээ тэдний ах эгч нар олны танил нийгмийн нүүр царай болж яваа хүмүүс. Айлд нэг бөө, нэг солонгосд хараар ажиллаж яваа хүн, нэг архичин байдаг гэх шог хэллэгийг эерэгээр харах гээд үзье. Айлд нэг олны танил ч юм уу нийгэмд идэвхитэй карьер хөөж яваа хүн байдаг байх нь. Харин бусад нь ёстой номын даруу амьдрах. Гэхдээ мэдээж карьерист ах ч юм уу эгчийн буян байлгүй яахав. Энд бичигдсэн охид бүсгүйчүүд мэдлэг боловсрол, нас зүс өөр өөр авч царай төрхийн хувьд “үзэсгэлэнтэй сайхан” гэх тодотголд багтахаар байдлаараа ижил төстэй.
Ч.Ганжавхлангийн дүү Ч.Ган-Инж
“Шинэ ээж” фэйсбүүк хуудасны админ ийм дэгжин бүсгүй гэдгийг та мэдээгүй ч байж магадгүй. Нярай хүүхдүүдэд зориулсан чанартай бүтээгдэхүүнийг сошиал хуудсаар дамжуулан танилцуулж худалдахдаа хүргэлттэй байдаг нь ээжүүдэд их таалагдаж байгаа. Ч.Ган-Инж өөрөө бол гал халуун сингл бүсгүй. БНСУ-д Ewha Womans University-г дүүргэсэн шинэ үеийн чадварлаг боловсон хүчин. Түүний ах Ч.Ганжавхлан “Лантуун дохио” ТББ, “Ид шидийн орон” төсөл гэхчлэн хүүхдэд чиглэсэн ажил түлхүү хийдэг гэгээлэг нэгэн. Охин дүү нь ч бас эцэстээ том компанид ажиллан яаж л бол яаж карьер хөөхөөр мэдлэгтэй авч хүүхдүүдийн сайн сайхны төлөө ажиллаж явна. Ч.Ган-Инж сошиал медиад ахаасаа дутахгүй олон дагагч фэнтэй.
Х.Мөнгөнцэцэгийн дүү Х.Мөнхцацрал
Зохиолын дууны отгон гүнж Х.Мөнгөнцэцэг тоглолтоосоо хойш нам жим байх болсон. Авьяаслаг аятайхан төрхтэй бүсгүй сайн муу хэл аманд бишгүй өртөж олны танил од байхын зовлон жаргалыг ханатал эдэлж яваа. Харин Х.Мөнхцацрал бол отгон гүнжийн дүү охин. Энэ жил ЭМШУИС-ийг дүүргэсэн залуу боловсон хүчин. Эгчийнхээ зураг авалтанд хавчуулагдан монголжуу төрхтэй зураг сэлтээ авахуулчихсан гэж байгаа. Орчин цагийн охидод ховордож буй монголжуу төрх энэ охинд бас бий. Говь-Алтайн охин ингэж хотын бүсгүй болсон байна шүү.
Асашёорюүгийн гэргийн дүү Б.Ихэрсувд
“Авьяаслаг Монголчууд” шоуны оролцогч болсноор сайн муу хэл аманд ширүүхэн өртсөн энэ охин 18 настай. Асашёорюү Д.Дагвадоржийн гэргий Г.Тамирын эгчийн охин гэдэг нь “илрэхэд” бүр ч илүү олны сонирхлыг татаж байв. Охин дунд сургуулиа дүүргэн АНУ-г зорьж боловсрол эзэмшиж буй юм билээ. Характертай өөрийнхөөрөө гэх үнэлгээг Рокит Бэй шүүгчээс авсан Б.Ихэрсувд цаашдаа жижигхэн хөгжимтэйгөө дуулж хуурдах эсэхийг цаг хугацаа шийдэх биз. Г.Тамир эгчтэйгээ тун төстэй түүнийг эгчийнхээ тавиланг давталгүй сайхан амьдраасай гэж хүмүүс санаа зовинож байна гэсэн. Сайхан төрөх хэцүү, төрөхгүй байх ч хэцүү хорвоо.
“Киви” Укагийн дүү Д.Уранзаяа
Хотын хөгжмийн стилийг яг таг барьж аван шуугиулж яваа Ука хоёр дахь хүүхдээ өлгийдөн авсан. Харин энэ бүсгүй бол түүний дүү Д.Уранзаяа. Сошиал маркетингийг өөр дээрээ тултал хийсэн бүсгүй рекламанд уригдах нь энүүхэнд. За тэгээд томоохон шоу арга хэмжээний урилга бол тасралтгүй ирээстэй. Телевизэд хөтлөгч хийдэг гэхээр нийгмийн идэвхи өндөр байгаа биз. Эгчийнхээ нэрээр анх олонд танигдсан нь үнэн. Харин одоо бол Уранзаяа гэхэд хүмүүс мэдэхээр болж. Боксчин Н.Төгсцогттой амьдарч байсан гэдгээрээ бас л мэдээний сэдэв болж байсан бүсгүй ер нь гэрлэлтээ олны танил хүнтэй хийх “хобби”-той гэмээр. Энэ удаад эрхэм гишүүн Э.Энхбаярын хүү Э.Мөнхсүлдтэй олны нүднээс эмээлгүй ил цагаан болзож байгаа.
Д.Сэргэлэн
Сэтгэгдэл (6)