"Авьяаслаг Америкчууд" шоуны шүүгчдийн сэтгэлд нийцэж, тэднийг алмайруулсан үзүүлбэр үзүүлнэ гэдэг тийм ч амаргүй. Тэр тусмаа шоуны хамгийн чухал, хамгийн ховор тохиодог "Алтан хонх" -ыг шүүгчдийн нэгээр даруулах бол оролцогчдын хувьд мөрөөдөл биеллээ гэсэн үг. Тэгвэл Оклохома мужийн оршин суугч 12 настай бяцхан охин шүүгчдийг төдийгүй олон сая үзэгчдийг байлдан дагуулж чаджээ. Түүнийг Дарси Линн гэдэг бөгөөд тэрээр амаа хөдөлгөлгүй хүүхэлдэй удирддаг авьяастай юм. Энэ төрлийн үзүүлбэр үзүүлдэг хүнийг винтроликюст /ventriloquist/ гэж нэрлэдэг. Ингээд та бүхэн бяцхан Дарсигийн бичлэгийг хүлээн авч үзнэ үү. Мөн сонирхуулахад "Авьяаслаг Америкчууд" шоуны хоёрдугаар улирал буюу 2007 онд винтроликюст буюу амаа хөдөлгөлгүй хүүхэлдэй удирдаж ярьдаг оролцогч түрүүлж байсан юм.
Сэтгэгдэл байхгүй байна