Сонгуульд нэр дэвшээд салам ялагдсан ч гандан буурахгүй яваа хүн бол П.Анужин. Бусад ялагдагсад нус нулимстайгаа холилдон суухад энэ бүсгүй өдрөөс өдөрт чангарч байгаа. Эцэстээ тэр улс төрд гайхамшигтай ирэлт хийж чадаагүй ч телевизийн салбарт эргэн ирлээ. Түүний “МонГал товчоон” нэвтрүүлгийн нээлт өнгөрөгч Баасан гаригт болсон. “Монгол тулгатны 100 эрхэм” нэр шигээ 100 гайхалтай эрхмийг оруулж тоогоо гүйцээлгүй 60 гаруй зочин оролцуулан зогссон. Харин энэ удаад П.Анужин шинэ үеийн ид залуу хийж бүтээж яваа 81 залууг нэвтрүүлэгтээ оролцуулах юм байна. “Hero” Б.Баатаргүй П.Анужингийн нэвтрүүлэг олигтой болох эсэх дээр хүмүүс талцаж байгаа. Аанай л содон хувцаслалт гоё тайз засал танил П.Анужин байх нь байна. Харин үзэгчдийн анхны сэтгэгдлээс давах эсэхийг харах л үлдлээ. Сонирхолтой нь түүний нэвтрүүлгийн нээлтэнд улс төрчид намын нөхөд нь мэр сэр харагдсан. С.Баяр хүртэл ирчихсэн зогсоо нь олны нүдийг орой дээр нь гаргав. Сонгуулийн пиар юм биш биз гэх хардлага ч аль хэдийнэ шидээд эхэлчихэж. Юу болохыг харах л үлдлээ.
Д.Сэргэлэн
Сэтгэгдэл (21)