ТОСК-ын дарга асан А.Гантулгыг өнгөрөгч Мягмар гаригт буюу энэ сарын 25- ны өдөр АТГ-аас баривчлан, 461-р ангид хорьжээ. Түүнийг албан тушаалаа урвуулан ашигласан гэсэн үндэслэлээр баривчлан хорьсон бололтой.  Тодруулбал, тэрбээр Ардчилсан намын үед ТОСК-ын захирлаар томилогдсон бөгөөд ажиллаж байх хугацаандаа албан тушаалаа урвуулан ашигласан, улсын мөнгө шамшигдуулсан хэргээр саатуулагдаад байна.

News.mn мэдээллийн сайдад мэдээлснээр, “Үндэсний барилга консорциум” ХХК-ийн захирал Д.Цэндтэй 2013 оны арваннэгдүгээр сард хөрөнгө оруулалт, хамтын ажиллагааны гэрээ байгуулж их хэмжээний мөнгө олгосон аж. Харин нөгөө консорциум нь ямар ч ажил гүйцэтгээгүй гэх мэдээлэл байгаа юм.