Дани улс хүүхдийн тоглоом үйлдвэрлэлээрээ алдартай. Учир нь тэдэнд LEGO бий. Гэхдээ LEGO -ноос гадна өөр нэгэн компани хүүхдийн сэтгэн бодох чадварт хувь нэмэр оруулахаар ажиллаж байгаа нь MONSTRUM компани юм. Тэд 2003 оноос хойш маш гоё, давтагдашгүй загвартай хүүхдийн тоглоомын талбайнуудыг бүтээж байгаа. Театрын тайз засал хийдэг байсан дизайнерууд болох Оле Барслунд Нилсон, Кристиан Женсен нар уг компанийг үүсгэсэн бөгөөд Дани, Швед, Египет зэрэг хэд хэдэн оронд өөрсдийн тоглоомын талбайгаа байгуулж хүүхэд багачуудыг баярлуулж байжээ.