Бээжин хотын засгийн газраас гадаадын тагнуулчдын талаар үнэн зөв мэдээлэл өгсөн иргэнд 500,000 юань буюу 70,000 гаруй ам.долларын шагнал өгнө хэмээн мэдэгджээ.
Бээжин хотын иргэд гадаадын тагнуулчдаас хотоо хамгаалж, ямар нэг муу зүйл болохоос сэргийлэх Цагаан хэрмийг хот дотроо бүтээж тэмцэх ёстой хэмээн хотын удирдлагууд мэдэгдэж байгаа гэнэ.
Эрх баригчид өнгөрсөн жилээс эхлэн хүмүүсийг сонор сэрэмжтэй байж, хэн нэгэн гадаадын иргэнд хууртаж үгэнд нь орохгүй байхыг иргэддээ сануулж байгаа бөгөөд тагнуулчийн талаарх мэдээллийг мэдээллийн үнэн зөв байдлаас хамааруулан 10,000 - 500,000 юаниар худалдаж авахаа мэдэгдсэн байна. Бээжин хот нь Хятад улсын талаар тагнаж мэдэх, судлах гэсэн тагнуулчдын хамгийн эхний сонголт байх хамгийн өндөр магадлалтай хот хэмээн тэд үзэж байгаа юм.
Өнгөрсөн нэгдүгээр сард Жианшу дүүрэгт хэсэг загасчид дээр нь гадаад үг бичсэн нэгэн үл мэдэгдэх төхөөрөмжийг олж эрх баригчдад тушаажээ. Уг төхөөрөмжийг судалж үзсэний дараа Хятад улсын талаар мэдээлэл цуглуулж байсан тагнуулын төхөөрөмж болохыг нь олж мэдсэн байна.
Сэтгэгдэл (2)