Туркийн Анталья хотод жүдо бөхийн "Анталья-2017" гранпри тэмцээн өчигдөр эхэллээ. Тус тэмцээнд 36 орны нийт 274 тамирчин оролцож байгаа бол манай улсаас 11 жүдоч зодоглож байна.
Тэмцээний эхний өдөр манай таван бөх зодоглосоноос эрэгтэйчүүдийн 60кг-д ОУХМ Б.Амартүвшин, 66 кг-д ОУХМ Д.Төмөрхүлэг, эмэгтэйчүүдийн 57 кг-д ОУХМ Ц.Хулан нар тус тус хүрэл медаль хүртжээ.
Мөн тус тэмцээний эмэгтэйчүүдийн 48 кг-д Казахстан улсын гавьяат тамирчин, олимпийн наадмын хүрэл медальт Г.Отгонцэцэг түрүүлж, IJF-ийн цуврал тэмцээнүүдээс долоо дахь түрүүгээ авсан байна.
Өнөөдөр манай тамирчдаас эрэгтэйчүүдийн 73кг-д Н.Хадбаатар, 81 кг-д Н.Дагвасүрэн, 90 кг-д Г.Алтанбагана, эмэгтэйчүүдийн 63кг-д Б.Мөнгөнчимэг нар хүч үзнэ.
Сэтгэгдэл байхгүй байна