“Сонор” рекордсыг үүсгэн байгуулагч хөгжмийн зохиолч Н.Халиун төгөлдөр хуургүй, тайзан дээр биш энд явна. Хөгжим, урлаг талын хүн гэхлээр ямар хорвоогоос тасарчихсан биш хаа нэг энгийн ардын амьдралаар амьдралгүй дээ. Бүр нэг “харах царайны” массаас тэс өөр хүн гэдэг нь ингээд алхаж байхад л мэдэгдээд байгаа биз. Бараг алхаж байхад нь салхи хөгжим шиг дуугарч байна уу үгүй юу. За за наргиа шүү. Н.Халиуны дэргэд яваа хүн бол гэргий Д.Хандсүрэн. Отгон охин Х.Аяс нь аав ээждээ бараа болж яваад тусад оржээ. Сонирхуулахад эднийх гурван сайхан охинтой айл. Хоёр том нь хилийн чанадад суралцдаг юм билээ. Н.Халиуны гэргий урлаг талын хүн биш, МУИС-ийн Эдийн засгийн сургуулийг дүүргэсэн. Охидоор баян Н.Халиуны хамгийн анхны хит дуу “Танилцъя охин” байсан гэнэ лээ. Бүр цаанаасаа ирээдүйгээ мэдэрчихсэн байгаа биз дээ. Удам дамжсан урлагийн гэр бүлээс гаралтай, Н.Халиуны аав “Соёл-Эрдэнэ” хамтлагийг үүсгэн байгуулагч урлагийн гавьяат зүтгэлтэн Б.Наранбаатар юм. Тэр бүр мандан бадраад байдаггүй ч яривал зузаан намтартай эрхэмд нэг л зүйл хэтрээд байгаа нь хэтэрхий даруу зан юм уу даа. Хүн болгон л урлагийн буянаар тэр салбарт зүгээр гараа оруулаад гаргах төдийд цээжээ дэлдэж байхад хорь гаруй жил салбартаа үнэнч яваа Н.Халиун хэзээ ч том дуугарч байсангүй.
Сэтгэгдэл (9)